«Дауыстап оқу күні» акциясы кітапхана
Кітапханада 1 ақпан күні "Оқуға құштар мектеп" жобасы аясында мектепшілік дауыстап оқу акциясы жүргізілді. «Дауыстап оқу күні» акциясының мақсаты : әдеби кітапты оқу арқылы адам бойына парасаттылық, білімділік, рухани байлық дарыту, өскелең ұрпақтың назарын кітап оқуға тарту, оқу дағдысын қалыптастыру.
1-11 сыныптарда кітапхана активі көмегімен дауыстап оқу жүргізілді. Дауыстап оқуға қазақ әдебиетінің үздік шығармалары таңдалды. Кітапхана активі мүшелері Баратжан Кәусәр, Нұрдәулет Келбет әр бір сынып оқушыларынан және мектеп мұғалімдерінен интервью алып, сұрақтар қойды. «Сенің сүйікті кітабың?», «Соңғы оқыған кітабың?» «Сүйікті ақын жазушыларың?» сұрақтарына жауап алды. 5 сынып оқушылармен Б. Соқпақбаевтің танымал шығармасы «Менің атым Қожа» повесі оқылды. Бастауыш сыныптарында ертегі кітаптары дауыстап оқылды. «Кітапқұмар» үйірме мүшелерінің қатысуымен мектепалды даярлық тобына ертегі кітап оқылды. Мектеп мұғалімдері дауыстап оқу акциясына қатысты.